Публикации » Çемйисем çирĕп

12 сентября 2017 г.

Кĕçех Элĕк районĕн 90 çулхи юбилейне йышпах паллă тăватпăр. Элĕк ен историйĕ вара ахаль çынсен кун-çулĕнчен çырăнать. Эппин, кашниех унта хăйĕн тÿпине хывать. Уйрăмах, туслă та килĕшÿллĕ çемьесем. Питĕшкасси тăрăхĕнчи Урпашри Герман Михайловичпа Нила Александровна Михайловсем пилĕк теçетке çул ытла ĕнтĕ çемье вучахне çирĕп тытса пыраççĕ. Мăшăр ĕмĕр тăршшĕпех вырăнти ял хуçалăх предприятийĕнче тыр-пул туса илес ĕçре тăрăшнă. Çичĕ ачана кун çути парнеленĕ. Вĕсенчен кашниех тĕрлĕ ĕçре вăй хурать. Çавăн пекех Çулавăçри Виталий Егоровичпа Зинаида Алексеевна Егоровсен те çемье стажĕ 50 çултан та иртет. Вĕсем виçĕ ача çуратса ÿстернĕ, пурнăç çулĕ çине кăларнă. Асăннă мăшăрсем çемье çирĕплĕхĕпе çамрăксемшĕн ырă тĕслĕх.