12 сентября 2017 г.
Районти мĕнпур категориллĕ хуçалăхсенче кăçалхи январь-август уйăхĕсенче 71038 килограмм сĕт туса илнĕ. Вăл шутран ял хуçалăх предприятийĕсенче - 11780 килограмм, килти хушма хуçалăхсенче - 57493 килограмм. Районти хуçалăхсенче пĕр ĕнерен талăкне сĕт суса илесси 20,5 килогрампа танлашнă. Калас пулать ĕнтĕ - районта чи вăйлă аталаннă хуçалăх вăл «Новый путь». Унта выльăхсен шучĕ пуринчен ытла пулнăран сĕт суса тата какай туса илесси те ытларах. Унта пĕр ĕнерен талăкне 21,6 килограмм сĕт суса илеççĕ. Ун хыççăн Ульянов ячĕллĕ (18,3 килограмм) тата «Авангард» (16,6 килограмм) хуçалăхсем пыраççĕ.
Районти мĕнпур категориллĕ хуçалăхсенче сĕт таварлăхĕ 82,5 процентпа танлашнă.
Паянхи кун районта пурĕ 8919 килти хушма хуçалăх шутланать. Вĕсенче - мăйракаллă шултра выльăх шучĕ 7616 пуç. Ку районти мĕнпур ял хуçалăх организацийĕсенчен 3,8 хут пысăкрах. Ĕнесем мĕнпур категориллĕ хуçалăхсенче - 4292 пуç, сыснасен шучĕ 516 пуçпа танлашнă. Ку енĕпе вара О.Петров ертсе пыракан хресчен-фермер хуçалăхĕ чи ăнăçлă ĕçлесе пыраканни.
Çавăн пекех мĕнпур категориллĕ хуçалăхсем выльăхсене самăртасси çине те пысăк тимлĕх уйăраççĕ.
Надежда Васильева,
район администрацийĕн ял хуçалăх пайĕн
ертсе пыракан специалист-эксперчĕ.