22 сентября 2017 г.
Чăваш Ен Ял хуçалăх министерстви обществăлла инфратытăма аталантарма конкурс ирттернине илтсен Ехремкассисем унта хаваспах хутшăннă. Ял тăрăхĕ республика бюджетĕнчен культура çуртне юсама укçа-тенкĕ выляса илнĕ. Ку чухне республика бюджетĕнчен 60 % укçа-тенкĕ уйăраççĕ, вырăнти бюджетран - 40 %, кунта ял халăхĕнчен пухнă укçа-тенкĕ те кĕрет. Юсав ĕçĕсем ирттерме «Александров» тата «Михайлов» хресчен-фермер хуçалăхĕсем, Элĕк райповĕ, районти депутатсен Пухăвĕн депутачĕ Александр Никифоров тата Ехремкасси, Качалав, Куракăш ялĕнче пурăнакансем те укçа енчен пысăк пулăшу кÿнĕ. Халĕ стенасене тул енчен штукатурка тăваççĕ, ăна çитес вăхăтра сăрлама, чÿречесене тата урайне улăштарма палăртнă. Çурт тăррине «Аликовская МСО» ĕçченĕсем витнĕ.