Публикации » Кăнтăрти Африка лĕпĕшĕ те, Ази нăрри те…

26 сентября 2017 г.

Экологи çулталăкне тĕпе хурса Элĕкри литературăпа таврапĕлÿ музейĕнче «Тĕнчери лĕпĕшсем тата нăрăсем» курав уçăлнă. Вăл октябрĕн 27-мĕшĕччен пырать. Куравра пурĕ 6 пин экспозици шутланать. Кунта Кăнтăр Америкăри пысăк агриппина лĕпĕшне те курма пулать. Коллекцире çавăн пекех Кăнтăрти тата Тĕп Америкăри, Африкăри, Мадагаскарти, Европăри тата Кăнтăр-Хĕвелтухăç Азири хурт-кăпшанкă та пур. Хăйсен илемĕпе Тайланд тата Кăнтăр Америка лĕпĕшĕсем те тыткăнлаççĕ. Морфидсем хăйсем 50 тĕрлĕ. Уйрăмах данаид çемйи пурне те килĕшмелле. Çавăн пекех шĕкĕ нăрă, тĕрлĕ чакан, мăйракаллă нăрă, скорпион та пур.