Публикации » Хĕрсем волейболла вылярĕç

20 октября 2017 г.

Октябрĕн 18-мĕшĕнче Элĕкри «Хĕлхем» ачасемпе çамрăксен спорт шкулĕнче Чăваш Республикин первенствин 2003-2004 çулсенче çуралнă хĕрачасен зонăри волейбол вăййисем иртрĕç. Асăннă спорт ăмăртăвне Етĕрне, Çĕмĕрле, Элĕк, Муркаш, Хĕрлĕ Чутай, Вăрнар районĕсен тата Çĕнĕ Шупашкарпа Улатăр хулисен командисем хутшăнчĕç. Мероприятие асăннă спорт шкулĕн директорĕ Валерий Сергеев, район администрацийĕн пуçлăхĕн социаллă ыйтусемпе ĕçлекен çумĕ Петр Павлов тата Чăваш Республикин Ĕç тата социаллă хÿтлĕх министрĕн çумĕ Виктор Ковалев хутшăнчĕç. Вăйăçсене кирек хăçан та спортпа туслă пулма сĕнчĕç тата ăнăçу сунчĕç. Ку хутĕнче Муркашсемпе Улатăрсене пуринчен ытла ăнăçрĕ темелле. Шăп та шай вĕсем ĕнтĕ октябрĕн 21-23-мĕшĕсенче Çĕнĕ Шупашкар хулинче иртекен финал вăййисене хутшăнма путевкăна тивĕçрĕç те.