24 октября 2017 г.
Çитĕнсе пыракан ăрăва авалхи йăла-йĕркепе, юрри-ташшипе паллаштарасси аслисенчен килет. Октябрĕн 22-мĕшĕнче Элĕкри культура çуртĕнче «Пурте туслă çемьерен» тата «Çемье мастерскойĕ» республикăри фестиваль-конкурс иртрĕ. Зонăри тапхăрта Элĕк, Хĕрлĕ Чутай, Муркаш тата Етĕрне районĕсенчи çемье коллективĕсемпе маçтăрсем хутшăнчĕç. Элĕк район чысне Герасимовсен (Тăвăш Юнтапа), Сорокинсен (Тури Татмăш), Платоновсен (Кĕçĕн Тăван), Никитинсен (Çирĕккасси), Кондратьевсен (Мăн Вылă) çемйисем хÿтĕлерĕç. Яковлевсен (Янкурас тата Элĕк), Андреевсен (Кураккасси), Степановсен тата Шорниковсен (Элĕк), Никитинсен (Çирĕккасси) çемйисем ал ĕç маçтăрĕсен конкурсне хутшăнчĕç. Конкурс пĕтĕмлетĕвĕ тăрăх, çемье ансамблĕсем тата ал ĕç маçтăрĕсем ноябрĕн 18-мĕшĕнче республикăри пултарулăх центрĕн гала-концертне хутшăнĕç.