Публикации » Çамрăк ташăçăсен çитĕнĕвĕсем

24 октября 2017 г.

Элĕкри ÿнер шкулĕн вĕренекенĕсем иртнĕ вырсарникун Пĕтĕм тĕнчери ачасемпе çамрăксен пултарулăхĕн «Ылтăн кĕркунне» фестиваль-конкурсне хутшăнчĕç. Вăл «Виктория» ачасен пултарулăхне пулăшакан Фонд (Хусан хули) тата Шупашкарти С.М.Максимов ячĕллĕ музыка шкулĕн пуçарăвĕпе тĕп хулари Ухсай ячĕллĕ Культура керменĕнче иртрĕ. Ачасен ĕçне Хусан тата Мускав вĕренÿ заведенийĕсенчи преподавательсем хак пачĕç. Сумлă жюри умĕнче Элĕксем çухалса каймарĕç. Хореографи енĕпе 1-мĕш класра пĕлÿ илекенсем II степеньлĕ Дипломант ята тивĕçрĕç пулсан, «Ладушки» ташă ушкăнĕ тепĕр картлашка çÿлерех хăпарма пултарчĕ. Çамрăк ташăçăсене ăсталăха туптама Лилия Ефимова преподаватель пулăшать.