Публикации » Сухалаççĕ те, акаççĕ те

27 октября 2017 г.

Аграрисем тыр-пултан тата пахча çимĕçрен пушаннă уй-хире шуратса хăварассипе тимлеççĕ. Ял хуçалăх предприятийĕсемпе хресчен-фермер хуçалăхĕсем кĕрхи тĕш тырă культурисене 2460 гектар çинче акса хăварнă. Ку енĕпе ĕçсем малалла пыраççĕ. Вĕсенчен кашниех ырă çанталăкпа усă курса планласа хунă ĕçе вĕçлессишĕн васкать. Çавăн пекех кĕрхи çĕртме сухине те пурнăçлассипе вăй хураççĕ хуçалăхсем. Паянхи куна районта 4100 гектар ытла çĕре сухаласа хăварнă. «Новый путь», Ульянов ячĕллĕ хуçалăхсенче тата «Алмаз» обществăра ку енĕпе ĕçсем вĕçленнĕ те ĕнтĕ. Вĕсем халĕ техникăна тивĕçлĕн хĕл каçарма кĕртсе лартассипе ĕçлеççĕ.