08 ноября 2017 г.
Чăваш Республикинчи потребитель кооперацийĕн предприятийĕсемпе организацийĕсем хушшинчи 2017 çулхи виççĕмĕш кварталти республикăри экономика ăмăртăвĕн кăтартăвĕсемпе Элĕк райповĕ йăла пулăшăвĕсене аталантарассипе пĕрремĕш вырăна, ваккăн сутмалли суту-илĕве, хатĕрлев ĕçне аталантарассипе виççĕмĕш вырăнсене йышăннă. Пахча çимĕç сутăн илес ĕçре те Элĕксем чи пысăк кăтарту тунă, пĕрремĕш вырăна тухнă. Çавăн пекех çăкăр продукчĕсене сутăн илессипе - иккĕмĕш, çынсенчен сĕт пухассипе вара виççĕмĕш вырăнта. Асăннă çитĕнÿсемшĕн Элĕк райпоне Чăвашпотребсоюз Канашăн Дипломĕсемпе чысланă. Элĕкри потребительсен кооперацийĕ вара ĕçре хастар пулнипе пĕрлех спортра та малтисен ретĕнче. Иртнĕ кунсенче Етĕрне хулинчи «Присурье» физкультурăпа сиплев комплексĕнче потребкоопераципе предпринимателлĕх ĕçченĕсен Спартакиадин инçĕшне ишессипе эстафета иртнĕ. Элĕк райповĕн команди ку ăмăртура тăваттăмĕш вырăна тухнă, Спартакиадăн мĕнпур кăтартăвĕсемпе вара çĕнтерÿçĕ пулса тăнă, пĕрремĕш вырăна тухнă.