Публикации » Конкурсра çĕнтернĕ

08 ноября 2017 г.

Раççей совет милицийĕ йĕркеленнĕренпе 100 çул çитнĕ тĕле Чăваш Республикин ШĔМ çумĕнчи Обществăлла канашлу «Полицейские ырă сăмах кала» ятпа видеосаламсен тата «Полици: истори тата хальхи самана» ачасен ÿкерчĕксен конкурсне ирттернĕ. Асăннă конкурса республикăн тĕрлĕ кĕтесĕнчен 100-е яхăн ĕç тăратнă. Кунта пирĕн районтан пĕртăвансем - Элĕк вăтам шкулĕнче вĕренекен Павел тата «Çăлкуç» ача садне çÿрекен Юлия Морозовсем хутшăннă. Арçын ача иккĕмĕш степеньлĕ диплома тивĕçнĕ пулсан, унăн йăмăкĕ - виççĕмĕш. Çĕнтерÿçĕсене савăнăçлă лару-тăрура Чăваш Республикин Шалти ĕçсен органĕн историйĕн музейĕнче чысланă, парнесемпе хавхалантарнă. Чи лайăх ÿкерчĕксене Мускава Раççей Федерацийĕн Шалти ĕçсен министерствине «Манăн аттепе анне полицире ĕçлеççĕ» конкурса ярса параççĕ.