Публикации » Вăхăта усăллă ирттереççĕ

14 ноября 2017 г.

Кашни ял тăрăхĕнче Хĕрарăмсен канашĕ хастар ĕçлет. Хĕллехи кану каçĕсенче чылай чухне хĕрарăмсем тĕрлеме, çыхма - ытти ал ĕçĕ тума пуçтарăнаççĕ. Çавăн пекех литературăпа музыка композицийĕсене, конкурссене, спорт ăмăртăвĕсене хастар хутшăнаççĕ. Иртнĕ кунсенче Кĕçĕн Тăван ялĕнчи Хĕрарăмсен канашĕ çĕнĕ тапхăрти пĕрремĕш ларăва пуçтарăннă. Ял библиотекинче вĕсем медицина ĕçченĕсемпе тĕлпулу ирттернĕ. Çавăн пекех Юнтапасем те пухăва пуçтарăннă. Кунта Хĕрарăмсен канашĕ 2006 çултанпа ĕçлет. Унăн ертÿçи - Лина Иванова. Вăл йĕркелесе пынипе кунта çулсеренех тĕп мероприятисен планне те палăртаççĕ. Иртнĕ уйăхра, сăмахран, Хĕрарăмсен канашĕ «Вальс каçĕ» юрă сехечĕ ирттернĕ. Çавăн пекех çуланнисем валли кану каçĕ йĕркеленĕ, «21-мĕш ĕмĕрти сывлăх» илемлĕх урокĕнче те хастар пулнă ял хĕрарăмĕсем.