Публикации » Чемпионат пуçланчĕ

14 ноября 2017 г.

Футзал вăййине кăмăллакансен шучĕ юлашки çулсенче палăрмаллах ÿсрĕ. Ку енĕпе районти ял тăрăхĕсенче, организаци-предприятисенче ятарлă командăсем те йĕркеленчĕç. Темиçе çул ĕнтĕ ку енĕпе чи вăйлисене палăртас тĕлĕшпе район чемпионачĕ иртет. Кăçал та вăл интереслĕ те çивĕч пуласси, нумай куракана пуçтарасси иккĕлентермест. Малтанхи кăтартусем тăрăх, футзал вăййине 8 команда хутшăнма палăртнă. Асăннă мероприятие хатĕрленсе командăсем эрнере виçĕ кун «Хĕлхем» ачасемпе çамрăксен спорт шкулĕнче пултарулăхне туптанă, тренировкăсем ирттернĕ. Ноябрĕн 13-мĕшĕнче футзал вăййин чемпионачĕ старт илчĕ те ĕнтĕ. Пĕлтĕр Шĕмшеш тăрăхĕнчи Ишпарайкка ялĕн команди çĕнтерÿçĕ пулнăччĕ. Кăçал кам мала тухассине вăйă палăртĕ.