Публикации » Донор пулни пархатарлă

17 ноября 2017 г.

Пурнăçпа вилĕм хушшинче тăракан çынна пулăшаканĕ вăл - донор. Хăйсен юнне çынна паракансем чăн-чăн паттăрсем шутланаççĕ. Ноябрĕн 14-мĕшĕнче Элĕкри тĕп больница ĕçченĕсем республикăри юн илекенсен станцин специалисчĕсемпе пĕрле Донор кунне ирттерчĕç. Çак мероприятие район çыннисем хастар хутшăнчĕç, вĕсен йышĕнче сывлăх сыхлавĕн ĕçченĕсем ытларах пулчĕç. Пархатарлă ĕçе 32 çын хутшăнчĕ, вĕсенчен 7-шĕ «Хисеплĕ донор» ят илнисем пулчĕç. «Пурнăç çулĕпе» район хаçатĕнче операторта тимлекен Светлана Павлова та çак пархатарлă ĕçре аякра тăмасть. Ĕçтешĕмĕр çулсеренех Донор кунне хутшăнать.