Публикации » Ентешсем - лауреатсем

21 ноября 2017 г.

Элĕкри культура çуртĕнче «Пурте туслă çемьерен» тата «Ылтăн çÿпçерен» республика конкурсĕн зонăри тапхăрĕ иртни çинчен хамăр хаçатра çырнăччĕ. Унăн тĕп тĕллевĕ çитĕнсе пыракан ăрăва авалхи йăла-йĕркепе, юрри-ташшипе паллаштарасси пулчĕ. Конкурс пĕтĕмлетĕвĕ тăрăх, Мăн Вылăри Кондратьевсен, Тăвăш Юнтапари Герасимовсен, Çирĕккассинчи Никитинсен çемье ансамблĕсем, Янкурасри Нина Озерова тата Кураккассинчи Андреевсен çемйи республикăри пултарулăх центрĕн гала-концертне кайма тивĕçнĕччĕ. Ноябрĕн 18-мĕшĕнче çемье ансамблĕсем пысăк сцена çине тухса илемлĕ юрри-ташшипе савăнтарчĕç, ал ĕç маçтăрĕсем те хăйсен илемлĕ тĕррисемпе пурне те илĕртрĕç. Пурте лауреат ятне çĕнсе илчĕç. Аслисемпе танах ачасем те чăваш юррисене шăрантарнине асăнса хăварма кăмăллă.