28 ноября 2017 г.
Амăшĕн кунне халалласа районти библиотекăсенче, культура çурчĕсенче тата вĕренÿ учрежденийĕсенче тĕрлĕ мероприяти иртрĕ. Иртнĕ эрнекун Элĕкри культура çуртĕнче ача садне çÿрекенсем, культура çурчĕ çу- мĕнчи ташă ушкăнĕсем амăшĕсене уяв ячĕпе савăнăçлă концерт лартса пачĕç. Сăмахран, Мăн Вылăри культура çуртĕнче «Манăн анне тĕнчере чи хитри», Карачурара «Тавах, анне» уяв мероприятийĕсем иртрĕç. Вутлан клубĕнче «Аннерен хакли никам та çук» тематика каçĕ пурне те килĕшрĕ. Кашни ял тăрăхĕнчех савăнăçлă концертсем, вăйăсемпе конкурссем пулчĕç, аннесене халалласа куравсем те йĕркеленĕ.
Элĕк вăтам шкулĕнче вĕренекенсем те хăйсен чи çывăх çыннисене уяв концертне пухрĕç. Тĕрлĕ класс ачисем амăшĕсене юрă-ташă парнелерĕç.