Публикации » Хĕрачасем конкурсра çĕнтернĕ

19 декабря 2017 г.

Кĕнеке - пĕлÿ çăлкуçĕ. Кĕнекепе туслă çын ăс-хакăл тĕлĕшĕнчен те пуян, пысăк тавракурăмлă. Çемьере пурте кĕнекепе туслă пулсан вара пушшех те. Аслисем ачасемпе пĕрле вуласан пĕр-пĕрин хушшинчи хутшăну та çирĕпленет. Элĕкри ача-пăча библиотеки Амăшĕпе Ашшĕн çулталăкне халалласа тĕрлĕ мероприяти йĕркеленĕ кăçал. Акă ноябрĕн 10-мĕшĕнчен пуçласа декабрĕн 10-мĕшĕччен «Атте, анне тата эпĕ - вулакан çемье» презентацисен конкурсĕ иртнĕ. Унта районти вĕренÿ учрежденийĕсенчи хĕрачасемпе арçын ачасем пурĕ 18 ĕç тăратнă. Кашниех хăйне евĕрлĕхпе палăрса тăнă. Жюри членĕсем вĕсене пысăк хак панă. Юнтапа шкулĕнчи А.Волкова, Элĕк шкулĕн-чи А.Михайлова, Чăваш Сурăм шкулĕнчи А.Арсентьева çĕнтерÿçĕ пулса тăнă.