22 декабря 2017 г.
«Граждансене обществăлла йĕркелĕхе сыхлама хутшăнтарасси çинчен» Саккун полици сотрудникĕсемпе çынсен пĕрле çыхăнса ĕçлемеллине çирĕплетет. Унпа килĕшÿллĕн полици пайĕсем çумĕнче халăхсен ирĕклĕ дружиннисем йĕркеленнĕ те. Пирĕн районта та «Хурал» халăхсен ирĕклĕ дружини ĕçлет. Унта 13 çын шутланать.
Ĕнер вара обществăлла хастарсен «Чи лайăх халăх дружинникĕ» конкурса хутшăнса хăйсене тĕрĕслеме тиврĕ. Район администрацийĕ, полици пайĕ тата «Хĕлхем» Элĕкри ачасемпе çамрăксен спорт шкулĕ йĕркеленипе иртрĕ вăл. Халăх дружинникĕсен право йĕркине сыхланипе çыхăннă кăткăс ыйтусем çине хуравланипе пĕрлех çан-çурăм пиçĕхлĕхне те тĕрĕслеме тиврĕ. Кире пуканĕ йăтассипе, турник çинче туртăнассипе, выртнă çĕртен кĕлеткене çĕклессипе ăмăртрĕ вĕсем. «Чи лайăх халăх дружинникĕ» ята Эрик Вонифатьев тивĕçрĕ. 2-мĕш вырăна Алексей Сергеев тухрĕ пулсан, 3-мĕшĕнче - Владимир Елизаров.