26 декабря 2017 г.
Пирĕн районта çирĕп те туслă çемьесем пурăнаççĕ, вĕсенче усрав ачасем те тивĕçлĕ воспитани илеççĕ. Районта 67 çемьере 115 усрав ача пурăнать. Вĕсен кашнин хăйĕн шăпи, кашни çемьен хăйĕн историйĕ. Усрав ачасене тимлĕх уйăрас, ырă хутшăнусене сыхласа хăварас тĕллевпе Юнтапа ял тăрăхĕнче спорт ăмăртăвĕсем иртрĕç. Ăмăртăва хутшăнакансене район администрацийĕн пуçлăхĕн социаллă ыйтусемпе ĕçлекен çумĕ Петр Павлов, опекăпа попечительство органĕн тĕп специалисчĕ Ирина Ильина, вĕренÿ пайĕн специалисчĕ Арина Вонифатьева кирек епле самантра та пĕрле пулма чĕнсе каларĕç. Çемьесем çăмăл атлетикăра, баскетболта тата ытти ăмăртусенче тупăшрĕç. Çĕнтерÿçĕсене парнесемпе, Хисеп хучĕсемпе чысларĕç.