Публикации » Ăс-тăн çивĕчлĕхĕпе палăрнă

19 января 2018 г.

Районти пысăк пĕлÿ шайĕллĕ вĕренекенсем халĕ шкул ачисен Пĕтĕм Раççейри олимпиадин регионти тапхăрĕнче хăйсен ăс-хакăлне тĕрĕслеççĕ. Январĕн 15-мĕшĕнче Элĕкри И.Я.Яковлев ячĕллĕ пĕтĕмĕшле пĕлÿ паракан вăтам шкулта вĕренекен Наталья Волкова вырăс литературипе иртнĕ олимпиадăна хутшăннă, пысăк балсем пуçтарса призерсен шутне лекнĕ. Çавăн пекех январĕн 16-мĕшĕнче асăннă шкулти Анна Романова та пĕтĕм тĕнчери художествăлла культура (ÿнер) предмечĕпе регион шайĕнчи тĕрĕслевре пулса призер сен йышне кĕнĕ. Вĕренекенсен çитĕнĕвĕсенче вĕсен педагогĕсен, Инна Волковăпа Надежда Никитинăн, тÿпи те пысăк пулнине палăртмалла.