23 января 2018 г.
Тени ялĕнче пурăнакан Галина Мурзакова ĕç ветеранĕ çак кунсенче 90 çул тултарнă. Сумлă юбилей ячĕпе ăна район администрацийĕн ĕçĕсен управляющийĕ Зиновий Федоров, ял тăрăхĕн пуçлăхĕ Людмила Васильева, социаллă хÿтлĕх пайĕн специалисчĕ Фаина Трофимова саламланă, Раççей Президенчĕн Владимир Путинăн салам çырăвне вуласа панă.
Галина Мурзакова Кĕçĕн Тăван ялĕнче çуралса ÿснĕ. Ачаранпах уй-хирте тăрăшнă. Тени каччипе Петр Трофимовичпа çемье çавăрсан та хуçалăх ĕçĕнчен уйрăлман. Мăшăрĕпе 4 ывăлпа пĕр хĕр çуратса ура çине тăратнă. Паян Галина Владимировна Юлия хĕрĕпе пурăнать. Хисеплĕ ĕç ветеранĕн 12 мăнукпа 16 кĕçĕн мăнук.