06 февраля 2018 г.
Эрнекун Элĕкри «Хĕлхем» спорт комплексĕнче потребкоопераци тата предпринимательство ĕçченĕсен Спартакиадин волейбол енĕпе ăмăрту иртнĕ. Финалта пĕтĕмпе Чăвашпотребсоюз предприятийĕсемпе организацисен сакăр команди хутшăннă. Тупăшу Элĕк, Тăвай, Чăвашпотребсоюз, Сĕнтĕрвăрри (Октябрьски), Йĕпреç, Муркаш тата Мăн Сĕнтĕр, Çĕрпÿ райпо командисем хушшинче пулнă.
Темиçе вăйă вылянă хыççăн тăватă команда çурма финалта юлнă. Унта пĕрремĕш вырăна Çĕрпÿсем йышăнса илнĕ. Элĕк райпо ĕçченĕсем иккĕмĕш вырăна тухнă. Сĕнтĕрвăрри - виççĕмĕш, Йĕпреç районĕн райпо командисем тăваттăмĕш пулнă.
Çĕнтерÿçĕсемпе призерсене чысланă çĕрте Чăвашпотребсоюз Канашĕн председателĕ, Чăваш Республикин Патшалăх Канашĕн депутачĕ Валерий Павлов, Чăваш Енри потребкоопераци тата предпринимательство ĕçченĕсен профсоюзĕн председателĕ Надежда Гамоля хутшăннă. Вĕсем çĕнтерÿçĕсене дипломсемпе сертификатсем панă. Унсăр пуçне турнирăн чи лайăх волейбол выляканĕсене те палăртнă.
Хамăр инф.