Публикации » Çĕнĕ ĕçĕсем «çуралсах» тăраççĕ

06 февраля 2018 г.

Иртнĕ кунсенче Кĕçĕн Тăванти «Ăстапи» кружока çÿрекенсем черетлĕ хут ял библиотекинче пуçтарăнчĕç. Вĕсем кашни занятирех çĕнĕрен те çĕнĕ чăваш эрешĕсене вĕренеççĕ, тĕрлĕрен тапăчки, нуски çыхаççĕ, çекĕлпе чечексем ăсталаççĕ. Ку енĕпе кĕçĕн классене вĕрентекен Анна Бурмистрова маттур та пултаруллă. Вăл яланах çĕнĕ йышши эрешсем тупма пултарать. Роза Гаврилова вара илемлĕ тухья тума вĕренсе çитнĕ. Иртнĕ тĕлпулура вăл асăннă ансамбле çÿрекенсем валли хитре масмаксем хатĕрленĕ. Кружока çÿрекенсемшĕн вулавăшра чăваш тĕррин пичечĕсен куравĕ те питех те усăллă.  

А.КИРИЛЛИНА.