Публикации » Олимпиада çĕнтерÿçисем паллă

09 февраля 2018 г.

Шкул ачисен Раççей олимпиадин регионти тапхăрĕ январĕн 11-мĕшĕнче старт илнĕччĕ. Элĕк районĕнчен çак тапхăрта пурĕ 22 ача вун пĕр тĕрĕслеве хутшăннă. Февралĕн 2-3-мĕшĕсенче историпе олимпиада иртнĕ. Унта Элĕк шкулĕнчи Анна Романова хутшăнса призер пулса тăнă. Вăл истори предметне тарăн пĕлнине уççăнах кăтартса панă. Февралĕн 5-6-мĕшĕсенче вара обществознанипе çак шкултанах виççĕн хутшăннă. Пĕрремĕш кунĕнче сочинени-эссе çырнă, иккĕмĕш кунĕнче тест ĕçĕсем пурнăçланă. Наталья Волкова 32 ача хушшинче чи нумай балл пухса çĕнтерÿçĕ пулса тăнă пулсан, Анастасия Волкова вара призерсен йышне кĕнĕ.