Публикации » Интернет хăрушсăрлăхĕ çинчен

09 февраля 2018 г.

Январĕн 30-мĕшĕнчен пуçласа февралĕн 6-мĕшĕччен Раççейре хăрушсăрлăх Рунет эрни иртнĕ. Çак акцие районти кашни библиотека хастар хутшăннă. Вулавăшсенче çынсем Интернет ресурсĕнчи информацисемпе, кĕнекесемпе паллашнă, Интернет тытăмĕнчи сервис аталанăвĕн историне тĕпченĕ. Акă Элĕкри тĕп библиотекăра, сăмахран, шкул ачисем «Килĕшетĕн - килĕшместĕн!» квест-вăййа хутшăннă. Асăннă вăйăра вĕренекенсем виртуаллă тус-юлташ пирки ыйтусем çине хуравланă, Интернетри паллашу, сетьри хутшăну тата хăйсене мĕнлерех тытмалли çинчен сÿтсе явнă. Çак акци вăхăтĕнче библиотекарьсем ятарлă куравсем та хатĕрленĕ.