Публикации » Салтак юррисемпе тыткăнланă

02 марта 2018 г.

Çулсеренех республикăра Пĕтĕм тĕнчери «Талантсен калейдоскопĕ» фестиваль-конкурс иртет. Ăна Раççей Федерацийĕнче нумай нациллĕ халăхсен йăли-йĕркине упраса хăварас, коллективсене пĕр-пĕрин опычĕпе паллаштарас тĕллевпе йĕркелеççĕ. Иртнĕ кунсенче Элĕкри культура керменĕ çумĕнчи «Валинкке» халăх фольклор ансамблĕ Шупашкарти Чăваш патшалăх культурăпа ÿнер институтĕнче иртнĕ фестиваль-конкурса хутшăннă. 18 çынран тăракан ушкăн сцена çинче чăваш халăхĕн салтака ăсатмалли йăли-йĕркипе паллаштарнă. Арçынсем куракан умне салтак юррисемпе тухнă, вĕсем чуна тивмелле юрласа жюри членĕсене тыткăнланă. Элĕксем «Халăх юррисем» номинацире палăрнă, 1-мĕш степеньлĕ Лауреат пулса тăнă.