02 марта 2018 г.
Хальхи вăхăтра спорт аталансах пырать. Унăн лайăх енĕсем питĕ нумай, çавăнпа та унпа чылай çын туслă. Спорт хобби те, профессионал шайĕнче те пулма пултарать. Спортăн чи лайăх енĕ - сывлăха çирĕплетни. Ахальтен мар ĕнтĕ тухтăрсем спортпа туслашма сĕнеççĕ. Тĕслĕхрен, ирхине чупни чĕрене, шăмăсене, иммунитета çирĕплетет. Спорт хавхалантарать, пĕрлештерет те. Ăна пула эпир çирĕп, вăйлă, тĕреклĕ çынсем пулатпăр. Пирĕн Б.С.Марков ячĕллĕ Тавăт шкулĕнче спорта юратакансем нумай. Шкул команди районта тивĕçлĕ вырăнта. Спорт енĕпе ертсе пыраканĕ - Николай Петрович Васильев. Вăл тăрăшнипе эпир ăмăртусене хутшăнатпăр, малти вырăнсене йышăнатпăр. Николай Петрович пире пур енĕпе те аталантарать, хавхалантарать, унăн сĕнĕвĕ пирĕншĕн питĕ хаклă. Эпир ăна çак пысăк ĕçшĕн хисеплетпĕр. Ăна пулах пирĕн класс ачисем физкультура урокĕсене кăмăллаççĕ. Спорт пирĕн пурнăçра питĕ кирлĕ. Нумайăшĕ çавна ăнланни мана савăнтарать.
Денис ШАРИКОВ, 9-мĕш класра вĕренекен.