Публикации » Пултарулăх сăмахĕн конкурсĕнче

06 марта 2018 г.

Республикăра çулсеренех СССР халăх артистки Вера Кузьмина ячĕллĕ пултарулăх сăмахĕн конкурсĕ иртет. Кăçал та, мартăн 2-мĕшĕнче, районти культура çуртĕнче конкурсăн районти тапхăрĕ пулнă. Пĕтĕмпе кунта 59 çын хутшăннă. Вĕсем сăвва тата прозăна илемлĕ калас енĕпе палăрнă. Ăмăрту евĕрлĕ пултарулăх конкурсĕнче «Сăпка» категорийĕнче «Поэзи» номинацире пĕрремĕш вырăна Ульяна Леонтьева çĕнсе илнĕ. «Ачалăх» ушкăнĕнче çак номинацирех Ева Леонтьевăпа Роман Кириллов пĕрремĕш вырăн йышăннă. Асăннă ÿсĕмри «Проза» номинацире Роман Егоров пултаруллăрах пулнă. Вăл пĕрремĕш вырăна тухнă. Вĕсем Элĕкри вăтам шкулта тата ача-пăча ÿнер шкулĕнче вĕренеççĕ. Аслисем хушшинче Йăлкăшри Любовь Свисткова пĕрремĕш вырăн çĕнсе илнĕ.