20 марта 2018 г.
Килти хушма хуçалăх аграри секторĕн аталанăвĕн элеменчĕсенчен пĕри. Паянхи куна илсен, районта килти хушма хуçалăхсем 8919 шутланаççĕ. Вĕсенче ĕне выльăх 6931 пуç - ял хуçалăх организацийĕсемпе танлаштарсан, 3,4 хут ытларах. Ĕнесем 4111 пуç - ял хуçалăх организацийĕсемпе шутласан, 7,1 хут ытларах. Сыснасем 251 пуç - ял хуçалăх организацийĕсенчи пĕтĕмĕшле хисепĕн 77 проценчĕ. Сурăхсем - 7131 пуç.
Район администрацийĕн ял хуçалăхĕпе экологи пайĕ ял тăрăхĕсенчи килти хуçалăхсенче выльăх-чĕрлĕх продукчĕсем мĕн чухлĕ туса илнине пĕтĕмлетнĕ. Январь-февраль уйăхĕсенче аш-какай 351,2 тонна, сĕт 2265,7 тонна, çăмарта 148,1 пин штук хатĕрленĕ.