Публикации » Пĕчĕккисен пултарулăхĕ иксĕлми

30 марта 2018 г.

Элĕкри ачасен ÿнер шкулĕн «Театр искусствин никĕсĕсем» уйрăмĕн отчетлă мероприятийĕ пулнă. Сцена çинче «Юмахсене тытакан» театрализациленĕ представлени кăтартнă. Куракана юмахсене тытакан арчана пĕшкĕнсе пăхма сĕннĕ. Унта вара тĕрлĕ вăхăтри юмахсен хаклă пуянлăхĕ. Çапла майпа «Театр искусствин никĕсĕсем» уйрăмĕн Элĕк вăтам шкулĕн 1-мĕш класĕнче вĕренекенсен никĕсĕнчи хатĕрленÿ уйрăмне çÿрекенсем хăйсен пултарулăхне кăтартнă. Çавăн пекех Тавăт вăтам шкулĕ çумĕнчи асăннă уйрăмăн 1-мĕш класĕ те пысăк сцена çине тухнă. Мероприятире уйрăмах палăрнисене тата лайăх вĕренекенсене чысланă. Асăннă уйрăм йĕркеленнĕренпе вăхăт нумаях иртмен пулин те ачасен ÿнер шкулне лайăх мероприяти хатĕрлеме май килнĕ.