03 апреля 2018 г.
Паянхи пурнăçра граждансем патшалăх хăйсем çине мĕнле тимлĕх уйăрнине тĕрлĕ пулăшу илме хăтлă та меллĕ условисем туса панине кура хак параççĕ. Пирĕнтен кашниех вăл е ку официаллă документа хатĕрлессипе, патшалăх регистрацийĕ витĕр тухассипе е ытти кирлĕ хутсем илессипе çыхăннă ĕç-пуç вăраха тăсăлмасса шанать.
Раççей Федерацийĕнчи тĕрлĕ тытăмри влаç органĕсен тĕп тĕллевĕ - РФ территорийĕнче пурăнакансене кĕске вăхăтрах пахалăхлă патшалăх пулăшăвĕпе тивĕçтересси. Паянхи куна граждансем анлă усă куракан патшалăх пулăшăвĕсенчен пĕри вăл хăйсем пулакан тата пурăнакан вырăнта регистрациленесси, РФ гражданинĕн паспортне илесси тата улăштарасси.
2011 çулхи апрелĕн 1-мĕшĕнчен пуçласа районти Нумай функциллĕ центр патшалăх тата муниципалитет пулăшăвĕ- сене паракан Пĕрлехи портал урлă миграци сферинчи пулăшусемпе тивĕçтерес тĕлĕшпе заявленисем йышăнассипе ĕçлет.
Пĕрлехи портал аякри ялсенче пурăнакансене ыттисемпе танах патшалăх пулăшăвĕсемпе усă курма май панипе пĕрлех вăхăта тата укçа-тенке перекетлет.
Элĕкри Нумай функциллĕ центрта «пĕр чÿрече» принциппа Раççей Федерацийĕн гражданĕсем миграци енĕпе тă-ватă пулăшупа усă курма пултараççĕ.
Раççей Федерацийĕн гражданĕсем хăйсем пулакан тата пурăнакан вырăнта регистраци учетне тăраççĕ. Çавăн пекех регистраци учетĕнчен тухас шутлисем те нумай функциллĕ центр пулăшăвĕпе усă кураççĕ.
РФ гражданинĕн паспортне илессипе тата улăштарассипе те çÿлерех асăннă центр ĕçченĕсем пулăшу кÿреççĕ. Çавăн пекех Раççей Федерацийĕн гражданинĕн ют çĕршыв паспортне хатĕрлеме документсене Нумай функциллĕ центра кайса памалла. Каярахпа хатĕр документа та унтанах кайса илмелле. Ют çĕршыв гражданĕсем е гражданлăха йышăнман çынсем хăйсем пулакан вырăнта миграци учетне тăрас шутлă-и; Кусен те кирлĕ документсемпе центра çитмелле те патшалăх пулăшăвĕпе усă курса хăйсем пулакан вырăнта регистрацие тăмалла.
Александр ВАСИЛЬЕВ,
районти полици пайĕн миграци уйрăмĕн начальникĕ.