06 апреля 2018 г.
Иртнĕ кунсенче Вăрнарти ял хуçалăх техникумĕнче районсем хушшинчи «Чи лайăх пыл» конкурс йĕркеленĕ. Пурĕ çак конкурса 27 тĕслĕ пыл тăратнă. Унта Элĕк тата Вăрнар районĕсенчи тĕрлĕ ял тăрăхĕсенчи утарçăсем хутшăннă. Вĕсем хушшинче Элĕкри В.Терентьев та пулнă. Пыл пахалăхне техникумăн çамрăк специалисчĕсем, технологсем, поварсем, кондитерсем, пыл хурчĕ ĕрчетекенсем, ветеринари фельдшерĕсем тĕрлĕ номинацире тĕрĕсленĕ. Асăннă конкурсра пĕтĕм сортсене тĕпченĕ хыççăн чи лайăх пыл хуçисем чылай пулнă. Вĕсен йышне Владимир Терентьев хурт-хăмăрçă та кĕнĕ. Унăн пылне тавар пахалăхĕ, тути, шăрши тĕлĕшĕнчен чи лайăх пулнине палăртнă.