Публикации » Çурта тĕпрен юсаса çĕнетнĕ

10 апреля 2018 г.

Пĕчĕк Кăканартан тухсанах - «Авангард» хуçалăхăн производство центрĕ. Кунта машина-трактор паркĕ, фермăсем те вырнаçнă. Ял хуçалăх предприятийĕн администрацийĕн уйрăм çурт çукки хытах сисĕнетчĕ. Юлашки вăхăтра ку енĕпе ырă улшăну туни куç кĕрет. Илемсĕр курăнса ларнă механизаторсен çуртне тĕпренех юсанă. Çĕнĕ объект çĕкленнĕ тейĕн. Шалта пÿлĕм хыççăн пÿлĕм тунă. Илемлĕ сăрласа хитрелетнĕ. Кунта хуçалăх ертÿçин, шут ĕçченĕн, ытти специалистсен кабинечĕсем вырнаçнă. Çĕнелнĕ çурта кĕрсе тухма та кăмăллă. Юсавпа çĕнетÿ ĕçĕсем малалла та пыраççĕ.