Публикации » Сусăррисене те ĕç кирлĕ

24 апреля 2018 г.

Вăрнар районĕнчи Элĕк салинчи халăха ĕçе вырнаçтарас енĕпе ĕçлекен центрăн тĕп тĕллевĕсенчен пĕри - сывлăх енчен вăйсăртараххисене ĕçпе тивĕçтересси. Ĕçе вырнаçни кашни гражданинах социаллă пурнăç енчен хÿтлĕхлĕ, обществăра, çемьере усăллă, кирлĕ çын пек туйма май парать. Инвалидсене ĕçе вырнаçтарас тесе центр ĕç паракансемпе, ял тăрăхĕсен администрацийĕсемпе тачă çыхăнса ĕçлет. Асăннă службăсем те сусăррисене ĕç тупса парассипе тăрăшаççĕ. Ĕçе вырнаçтаракан центрăн Интернет-сайтĕнче, çавăн пекех Элĕк районĕн сайтĕнче инвалидсене ĕçпе тивĕçтерме май пурри çинчен информаци вырнаçтараççĕ. 2018 çулта Центра ĕçе вырнаçтарма ыйтса 2 çын пынă. Ĕçсĕррисен шутĕнче тата 2 инвалид пур.