Публикации » Йывăрлăхра пуçне усман

27 апреля 2018 г.

Нумаях пулмасть Шĕмшеш ял тăрăхĕнчи Пиçенер ялĕнче пурăнакан Валентина Архипова ĕçпе тыл ветеранĕ 90 çул тултарнă. Ăна çак ятпа Ишпарайкка ял клубĕн «Ăраскал» фольклор коллективĕ те саламланă.

1943 çулта Валентина Архиповнăн ашшĕпе пиччĕшĕ Хĕрлĕ Çара ăсаннă. Çавăнпа Валентинăн мĕнпур йывăрлăха чăтма тивнĕ. Вăл ытти çамрăксемпе пĕрле вăрман касма çÿренĕ, уй-хир ĕçĕсене пурнăçланă. Çав вăхăтрах колхоз выльăхне те пăхнă. Вăрçă хыççăн ăна Ленинград облаçне торф кăларнă çĕре янă. Унтан таврăнсан тăван ялти фермăра ĕçленĕ. Пурнăçĕ йывăр пулнă пулин те Валентина Архиповна тăватă ачана - икĕ хĕрпе икĕ ывăла çуратса ура çине тăратнă.