15 мая 2018 г.
Пултарулăх вĕçĕ-хĕррисĕр тенипе килĕшмеллех. Çакна Элĕкри И.Я.Яковлев ячĕллĕ вăтам шкулта пĕлÿ илекен М.Егорова, С.Кириллова, О.Шорникова, А.Сорокина, В.Лазарева «Смена» Пĕтĕм Раççейри Ачасен центрне кайма тивĕçни те çирĕплетет. Май уйăхĕн 12-24-мĕшĕсенче вĕсем пирĕн çĕршыври 85 регионти 300 ытла çамрăк журналистпа пĕрле ăсталăхне туптĕç. Çак хисепе вĕренекенсем «Пирĕн пресс-центрăн ĕçĕ» темăпа репортаж хатĕрлесе конкурса тăратса тивĕçнĕ. Раççей шайĕнчи конкурсра ĕçе темиçе критерипе хак панă. Элĕксем 30 балран 27,83 балл пуçтарнă. Иртнĕ кунсенче çĕнтерÿçĕсен шутне кĕнĕ команда Анапа хулине тухса кайнă та ĕнтĕ. Вĕсем Раççей шайĕнче район чысне хÿтĕлĕç. «Хороший мальчик» фильмăн продюсерĕпе Юрий Храповпа, Алексей Петрухин актерпа, РФ Президенчĕ çумĕнче ачасен прависене хÿтĕлессипе ĕçлекен Уполномоченнăйпа Анна Кузнецовăпа, Раççей Геройĕпе, летчик-космонавтпа, Раççейри шкул ачисен юхăмĕн председателĕпе Сергей Рязанскийпе курнăçĕç.