Публикации » Нумай ачаллисене - çĕр лаптăкĕсем

18 мая 2018 г.

Нумай ачаллă çемьесене çĕр лаптăкĕсемпе тивĕçтерессипе ĕçсем районта малалла пыраççĕ. 2018 çулхи май уйăхĕн 17-мĕшĕ тĕлне тÿлевсĕрех çĕр лаптăкĕ илмелли черете нумай ачаллă 159 çемье тăрать. Вĕсенчен 58-шĕ çĕр лаптăкĕ çинче пурăнмалли кил-çурт çавăрма шутланине палăртса ыйту çырнă пулсан, тепĕр 101 çемье хушма хуçалăха аталантарас тĕллевпе çĕр лаптăкĕ илессине пĕлтернĕ.

Паянхи куна Элĕк район администрацийĕнче нумай ачаллă 110 çемье валли çĕр лаптăкĕсене хатĕрленĕ. Вĕсене пурне те çĕр пайĕсемпе тÿлевсĕрех усă курмаллине палăртакан сертификат панă. Асăннă йышран 39 çемье çĕнĕ пÿрт-çурт тума шутлать. Тепĕр 71 çемье килти хушма хуçалăха аталантарассипе ĕçлĕ.