22 мая 2018 г.
Республикăри «Трактор тăвакансен культура керменĕ» халăх пултарулăхĕн центрĕнче майăн 19-мĕшĕнче «Чăваш Ен çеммисем» эстрада музыкин фестиваль-концерчĕ иртнĕ. Унта Элĕк, Вăрнар, Канаш, Куславкка, Сĕнтĕрвăрри, Пăрачкав, Вăрмар, Çĕмĕрле, Елчĕк районĕсенчен тата Çĕнĕ Шупашкарпа Шупашкар хулисенчен 24 конкурсант хутшăннă.
Конкурс кăтартăвĕсем тăрăх, жюри «Эстрада вокалĕ» номинацире «1-мĕш степеньлĕ лауреат» ятне Элĕкри культура çуртĕнчи вокал ансамблĕн солистне Сергей Иванова панă. Вăл Алексей Шадриков репертуарĕнчи «Тавах сире, атте-анне» юрра килĕшÿллĕн шăрантарнă.
Районти культура çуртĕнчи «Рябинушка» халăх ташшисен коллективĕ Лилия Ефимова ертсе пынипе ачасемпе çамрăксен тата аслисен пултарулăхĕн Пĕтĕм тĕнчери фестиваль-конкурсне хутшăнса 1-мĕш степенлĕ дипломант пулса тăнă. Мероприяти Марий Эл республикинчи Йошкар-Ола хулинчи вырăс академи театрĕнче иртнĕ. Лилия Ефимова ертÿçĕне професси ăсталăхĕшĕн тата педагогика таланчĕшĕн Тав хучĕпе чысланă.