Публикации » Çурт-йĕр условийĕсене лайăхлатĕç

25 мая 2018 г.

Кил-çурт çавăрасси е хваттер туянасси нихăçан та çăмăл пулман. Уйрăмах çамрăксемшĕн чуна ыраттаракан ыйту. Çакна тĕпе хурсах ĕнтĕ патшалăх ялта ĕçлесе пурăнакан специалистсене, çемьесене çурт-йĕр çавăрма тĕрлĕ енлĕ пулăшу парать. Иртнĕ тапхăрта кăна Ехремкасси ял тăрăхĕнче пурăнакан, ял хуçалăхĕнче чылай çул ĕçлекен пĕр çынна «Яллă территорисен çирĕп аталанăвĕ» программăпа килĕшÿллĕн пурăнмалли çурт çĕклеме сертификат панă. Асăннă программăпа усă курса çурт-йĕр çавăрас тĕллевлĕ 8 çамрăк специалист черетре тăрать. Çавăн пекех граждансен шучĕ 29-па танлашать. Ку тĕлĕшпе Тăван çĕршывăн Аслă вăрçине хутшăннă ветерансем те тимлĕхсĕр мар. 2008 çулхи май уйăхĕн 7-мĕшĕнчи Раççей Федерацийĕн Президенчĕн Указĕпе килĕшÿллĕн вăрçă вут-çулăмĕ витĕр тухнă мĕнпур ветерана çурт-йĕрпе тивĕçтереççĕ. Элĕк районĕнче паянхи куна черетре пĕр çын, Витеçÿтĕнчи ветеран черетре тăрать.