Публикации » Çамрăксене - паспорт

15 июня 2018 г.

Раççей кунне халалласа районта тĕрлĕ мероприяти иртрĕ. Раççей гражданинĕн тĕп документне - паспорт парасси, сăмахран, савăнăçлă лару-тăрура пулчĕ. 14 çул тултарнă çамрăксемшĕн çак кун уяв вырăннех пулчĕ. Вĕсем малтанах Раççейĕн чăн-чăн гражданинĕ пулма тупа турĕç. Хыççăн районти полици пайĕн миграци пункчĕн тĕп специалист-эксперчĕ Александр Васильев вĕсене паспорт пачĕ. Çак документа яланах типтерлĕ упрама кирли çинчен каларĕ. Савăнăçлă мероприятие районти ЗАГС пайĕн начальникĕ Любовь Артемьева та хутшăнчĕ. Районти тĕп библиотека ĕçченĕсем Альбина Егорова тата Оксана Бархаткина мероприятие туллин ирттерме пулăшрĕç.

Çак кунах районти тĕп библиотекăра «Раççей çинчен чун-чĕререн юратса» кĕнеке куравĕ ĕçлерĕ.