03 июля 2018 г.
Качалав ялĕнче пурăннă, «Правда» колхоз председателĕнче ĕçленĕ, ВЛКСМ XV съезчĕн делегачĕ пулнă, Ĕçлĕх Хĕрлĕ Ялав орденне тивĕçнĕ, районăн Хисеп кĕнекине кĕртнĕ Никодим Федорович Семенов пурнăçран вăхăтсăр уйрăлса кайрĕ. Ăна хисеплесе те чысласа çак кунсенче Никодим Федорович пурăннă çурт çине Асăну хăми вырнаçтарнă. Çак пархатарлă ĕçе Качалав ялĕн хастарĕ Юрий Терентьев хутшăннă. Никодим Семенова - тус-юлташне халалласа Владимир Терентьев сăвă хайланă. Çак мероприятие ял çыннисем, Никодим Федоровăн çывăх çыннисем, тăванĕсем хутшăннă, ăшă сăмахсем каланă. Ираида Семенова мăшăрĕ юратнă упăшкине çакăн пек чыс тунăшăн тав тунă.