14 августа 2018 г.
Районти хуçалăхсенче хĕрÿ тапхăрти ĕçсем малалла пыраççĕ. Августăн 13-мĕшĕ тĕлне илсен, кĕр тыррисене мĕнпур лаптăк çинчен - 2122,5 гектар (100 процент) пухса кĕртнĕ.
Çурхи тĕш тырăсене вырасси вăрахрах пырать-ха. Тырă пиçсе çитейменни чăрмав кÿрет. Хальлĕхе çуртрисене 496 гектар (7 процент) пухса кĕртнĕ. Ку енĕпе «Новый путь», Ульянов ячĕллĕ, «Серебряные ключи» хуçалăхсем, Сергей Егоров, Сергей Волков, Алексей Григорьев, Юрий Никифоров, Гурий Петриков хресчен-фермер хуçалăхĕсем ĕçлеççĕ.
Уйра пурĕ 10 комбайн ĕçлет. Тĕш тырăсен вăтам тухăçĕ - 21 центнер.
«Алмаз» общество кĕр тыррисене акассипе ырă тĕслĕх кăтартать. Пурĕ 120 гектар акнă.