Публикации » Уçă пĕлĕт айĕнче - курав

21 августа 2018 г.

Элĕкри тĕп библиотека «Православи тĕпелĕ» программăпа килĕшÿллĕн «Ăс-хакăлăн чĕрĕ сăмахĕ» ятпа уçă пĕлĕт айĕнче курав композицине йĕркеленĕ. Çуллахи вулав залне пыракансем православи литературипе паллашма пултарнă.

Вулав залĕн библиотекарĕ Оксана Бархаткина христианствăн тĕп халалĕсемпе паллаштарнă май Библи çинчен туллин каласа панă. Ачасене çавăн пĕлтерĕшĕ пирки итлеме уйрăмах интереслĕ пулнă. Вĕсене чăвашла çырнă «Библи» те хытах кăсăклантарнă. Куравра «Авалхи халал», «Чун кĕнеки» тата ытти вырăсла кĕнекесем те чылай пулнă. Курав библиотекăн вулав залĕнче августăн 31-мĕшĕчченех ĕçлет. Унпа тĕрлĕ ÿсĕмрисем паллашма пултараççĕ.