24 августа 2018 г.
Ытларикун – августăн 28-мĕшĕнче - православи тĕнне ĕненекенсем Туррăн Таса Амăшĕн кунне паллă тăваççĕ. Вăл Элĕк чиркĕвĕн праçникĕ шутланать.
Шăпах çак кун Элĕк салинче çĕнĕ чиркÿ çурчĕ хута кайнăранпа 3 çул çитет. Ун чухне савăнăçлă мероприятие Чăваш тата Чăваш Ен митрополичĕ Варнава хутшăнса кĕлĕ ирттернине Элĕксем халĕ те ырăпа асăнаççĕ. Хальхинче те митрополит Варнава вырсарникун – августăн 26-мĕшĕнче – Элĕк чиркĕвне килме палăртнă. Унпа пĕрле Сĕнтĕрвăрри епископĕ, Шупашкар епархийĕн викарийĕ Игнатий пулĕ. Вĕсем ирхи кĕлле хутшăнĕç.
Ирхи кĕлĕ 8 сехетре пуçланать, каçхи – 15 сехетре.
Виктор МУРАВЬЕВ, Элĕк чиркĕвĕн настоятелĕ.