28 августа 2018 г.
Кĕрхи ĕçсене пурнăçланă çĕрте кашниех хăйĕн тÿпине хывма тăрăшать. Агитбригадăсем те уй-хире тухса çĕр ĕçченне хавхалантараççĕ.
Нумаях пулмасть Тăвăш Юнтапа ял клубĕ çумĕнчи агитбригада Вăрнар районĕн коллективĕпе пĕрле механизаторсемпе тырă выракансене тата йĕтем çинче ĕçлекенсене пĕчĕк концертпа савăнтарнă. Çавăн пекех вĕсен хаваслă юрри-ташшине Вутлан ялĕнчи йĕтем çинчи çынсем те курса киленнĕ. Халăх юррисене шăрантаракан ушкăнсемпе пĕрле юрласа та ташласа савăннă.
Уйрăмах комбайнерсене артистсен юрри-кĕвви илĕртнĕ. Кунашкал мероприятисем ирттерни кулленхи ĕçре хавхалану кÿрет тата кăмăл-туйăма çĕклет.