31 августа 2018 г.
Тырă вырассине хăвăртрах вĕçлес тĕллевпе ĕçсем малалла пыраççĕ. Августăн 29-мĕшĕ тĕлне илсен, районти хуçалăхсенче пĕрчĕллĕ тата пăрçа йышши культурăсене 7429 гектар (80 процент) пухса кĕртнĕ.
«Новый путь», «Колос», «Агросерп» хуçалăхсенче, С.Волков ертсе пыракан хресчен-фемер хуçалăхĕнче тырă вырса пĕтернĕ.
Комбайнерсен экономика ăмăртăвĕн кăтартăвĕсем тăрăх, «Новый путь» хуçалăхри Вениамин Константинов экипажĕ «Полесье-812» комбайнпа 1132 тонна тырă çапса тĕшĕлесе пĕрремĕш вырăна тухнă. Çак хуçалăхри Владимир Павлов экипажĕ, «Полесье-812» комбайнпа 1129 тонна тырă çапса тĕшĕлесе, иккĕмĕш вырăнта. Виççĕмĕшĕ - Ульянов ячĕллĕ хуçалăхри Владислав Яковлев экипажĕ, «Полесье-812» комбайнпа 732 тонна тырă çапса тĕшĕленĕ.